विवेकानंद विद्यालय, चोपडा आयोजित पुस्तक मैत्री शिबीर संपन्न...

विवेकानंद विद्यालय, चोपडा आयोजित पुस्तक मैत्री शिबीर संपन्न...

चोपडा (प्रतिनिधी)

वाचन आहे प्रवास सुंदर नव्या नव्या ज्ञानाचा | इतिहासाचा, साहित्याचा आणिक विज्ञानाचा ||

वाचनाची महती समर्पक शब्दांत सांगणाऱ्या या काव्यपंक्ती. वाचन संस्कार विद्यार्थ्यांमध्ये रुजावा व वृद्धिंगत व्हावा या उद्देशाने  विवेकानंद विद्यालयात इ.सहावीच्या विद्यार्थ्यांसाठी पुस्तक मैत्री शिबीर संपन्न झाले. आई शारदादेवी, स्वामी विवेकानंद यांच्या प्रतिमेचे व ग्रंथपूजनाने शिबीराचे उद्घाटन संस्थेचे अध्यक्ष डाॅ. विकास हरताळकर यांच्या हस्ते करण्यात आले.

 याप्रसंगी  उपाध्यक्ष श्री.घनश्यामभाई अग्रवाल, सचिव ॲड.रवींद्र जैन, सहसचिव डाॅ. विनीत हरताळकर, श्री. विलास पाटील खेडीभोकरीकर, मुख्याध्यापक श्री. नरेंद्र भावे, श्री.पवन लाठी, श्रीमती शितल पाटील आदी मान्यवर  उपस्थित होते.शिबिराचे आयोजक  श्री. संजय सोनवणे सर यांनी प्रयोजन स्पष्ट केले. मुख्या. श्री. नरेंद्र भावे यांनी मनोगत व्यक्त केले. त्यानंतर डाॅ. विकास हरताळकर यांनी शिबिरासाठी सर्व विद्यार्थ्यांना व शिक्षकांना शुभेच्छा देऊन  सर्व विद्यार्थ्यांना त्यांच्यातर्फे पुस्तकं भेट दिले. 

सकाळच्या सदरात 'पुस्तक वाचनाचे फायदे' यावर श्री. विलास पाटील (मा. मुख्या. तांदळवाडी हायस्कूल), 'मी वाचलेली पुस्तके' यावर श्री. राधेश्याम पाटील यांनी, तर 'इतिहास माझा ठेवा' यावर श्री. पंकज शिंदे (प्र.वि.मं.चोपडा) यांनी मार्गदर्शन केले. पुस्तकाचे  कवी किंवा लेखक कोण हे  खेळाद्वारे श्री.अभिषेक शुक्ल यांनी घेतले. नंतर सर्व विद्यार्थ्यांनी स्नेहभोजनाचा आस्वाद घेतला. 

दुपारच्या सत्रात 'चला करुया पुस्तकांशी मैत्री- चला जाऊया पुस्तकांच्या नगरीत ' या खेळातून श्री. संजय सोनवणे यांनी प्रत्येक मुलाच्या हातात पुस्तकं देऊन खेळीमेळीच्या वातावरणात वाचन करून घेतले. कविता गाणी शिकवती आम्हां हा विषय घेऊन आणि मराठीच्या पाठयपुस्तकातील धड्यांचे कवी व लेखक यांना स्मार्ट टी.व्हीच्या पॅनलवर भेटीला आणून प्रसाद वैद्य यांनी मार्गदर्शन केले, माझा जन्म लेखक व कवीच्या हातात हा 'जोडी शोधा' खेळ श्री. मांगीलाल बारेला यांनी घेतला, तर Motivational Song With Dance - मै तैयार हू | या गीतावर श्री.राकेश विसपुते यांनी मुलांच्या हातात पुस्तके देऊन नृत्य घेतले . शिबिराच्या समारोप प्रसंगी विद्यार्थ्यांनी अवांतर वाचनाकडे वळणार असा संकल्प घेऊन आपले मनोगत व्यक्त केले. नव्या वैभवाचीच स्वप्ने सजावी...   ही प्रार्थना विद्यार्थ्यांकडून म्हणवून घेऊन प्रसाद वैद्य यांनी शिबीराचा समारोप केला. याप्रसंगी संस्थेचे विश्वस्त डाॅ. अमित हरताळकर, सौ. ज्योस्ना हरताळकर, श्री. विलास पाटील,श्री नरेंद्र भावे, श्रीमती आशा चित्ते आदी मान्यवर उपस्थित होते. वाचन संस्कृती रुजवण्यासाठी हे शिबीर आयोजित केल्याबद्दल पालकांनी विवेकानंद परिवाराचे अभिनंदन केले,

लळा, गोतावळा अन् गुरुपौर्णिमा

 लळा, गोतावळा अन् गुरुपौर्णिमा

[21/07, 2:46 pm] सोनवणे सर: काल न कळत दुपारी माध्यमिक विभागाच्या गुरुपौर्णिमेच्या कार्यक्रमास योगेश चौधरी सरांना ऐकण्यासाठी गेलो होतो. प्रतिमा पूजनसाठी बोलावले तेव्हा मुलांनी प्रचंड टाळ्यांचाही कडकडाट केला, तसेच  कार्यक्रम संपल्या नंतर श्री. हेमराज पाटील सरांनी न कळतच टिपलेला प्रसंग👇

[21/07, 2:46 pm] सोनवणे सर: माननीय सर सप्रेम नमस्कार ,😊👏

आपले आवडते गुरुवर्य शिक्षक विद्यार्थ्यांना आयुष्यात पुन्हा जेव्हाही भेटतात तेव्हा त्यांच्या चेहऱ्यावरील आनंद , शिक्षकाप्रती मनोभावे आदर , त्या शिक्षकांना खूप भेटावे , खूप गप्पा करून अविस्मरणीय आठवणी गोळा करून घ्याव्या... अशा अनेक भावनांनी विद्यार्थी त्या शिक्षकाभोवती असे गोळा होतात जसे की मधमाशा

फुलांवर , पोळ्यावर असंख्य संख्येने जमतात.

असे चित्र आमच्या विद्यालयात , तसेच आमच्या तालुक्यात अवतीभवती कुठे बघायला मिळत असेल , तर ते म्हणजे ज्येष्ठ बंधू , मार्गदर्शक गुरुवर्य श्री संजय सोनवणे सर यांच्या अवतीभोवती.

आज गुरुपौर्णिमा , त्यानिमित्त काल विद्यालयात गुरु पौर्णिमा कार्यक्रमासाठी उप मुख्याध्यापक श्री संजय सोनवणे सर आवर्जून उपस्थित होते. कार्यक्रम संपल्यानंतर , विद्यार्थ्यांच्या झुंडीच्या झुंडी श्री सोनवणे सरांना भेटण्यासाठी , त्यांना चरण स्पर्श करण्यासाठी आपसात स्पर्धा करत होते , सगळ्यात पहिले आम्ही सरांजवळ कसे पोहोचणार , सर्वजण धावत सरांजवळ पोहोचले व सरांना वंदन करू लागले...  यापेक्षा एखाद्या प्रामाणिक , खूप मेहनती , विद्यार्थी दैवत मानणाऱ्या शिक्षकासाठी मोठे सुख   समाधान व पुरस्कार काय असावा...?

हा प्रसंग मी थोड्या दुरून बघत होतो , नकळत माझा हात मोबाईल कडे गेला व मी काही क्षण टिपण्याचा प्रयत्न केला.

मा. श्री सोनवणे सर आपणास गुरु पौर्णिमेनिमित्त माझा , माझे पारिवारिक सदस्य , आर्यदीप व कृष्णप्रिया... आम्हा सर्वांचा साष्टांग नमस्कार.👏👏🌹🌹

गुरु पौर्णिमेच्या खूप खूप मनःपूर्वक शुभेच्छा...!!

😊👏👏🌹🌹🏆📚📖✒️🎊

श्री . हेमराज पाटील

[21/07, 4:51 pm] Prasad Suresh Vaidya: आदरणीय सोनवणे सर,😊👏

तुम्हाला पाहताक्षणी  तुमच्याभोवती जमलेला निरागसतेचा हा घोळका आणि गोतावळा खऱ्या अर्थाने गुरुपौर्णिमेचा क्षण आहे. या घोळक्यामागे आपले प्रेम,अध्यापन अनुभव, उपक्रम आणखी बरंच काही दडलेलं आहे. एका सच्च्या शिक्षकाला यापेक्षा वेगळा पुरस्कार आणि समाधान ते कोणते! हेमराज सरांनीही तुमच्या नकळत हा प्रसंग छान टिपलाय व शब्दबद्ध केलाय. त्याबद्दल सरांचं व तुमचं  सहर्ष अभिनंदन. सस्नेह नमस्कार आणि गुरुपौर्णिमेच्या शुभेच्छा!!!

📙📚📖📋✍🏻

~प्रसाद वैद्य व परिवार

... नाय तर मी चोरी केली नसती, मला माफ करा